დეპუტატი გია თორთლაძე უშიშროების მდივან გიგა ბოკერიასთან შეხვედრაზე იმ პარტიის ლიდერების დასწრებას ითხოვს, რომლებიც უმცირესობაში არ შედიან. ამის შესახებ თორთლაძემ დღეს ბიუროს სხდომაზე განაცხადა.
მისი თქმით, ძალიან მნიშვნელოვანია ქვეყნის უსაფრთხოების კონცეფციის განახლების სამუშაო პროცესში პოლიტიკური ძალების ჩართვა.
თორთლაძეს პარლამენტის თავმჯდომარე დავით ბაქრაძე გამეხმაურა და განმარტა, რომ უშიშრობის საბჭოს მდივანთან დაგეგმილი შეხვედრა არ არის დოკუმენტის საბოლოო შეთანხმება და მასზე პროცესის ინიცირება და იმ როლის გამოკვეთა მოხდება, რომელიც პარლამენტს უნდა ჰქონდეს.
ბაქრაძის თქმით, სამუშაო პროცესი ფრაქციებში და კომიტეტებში გაგრძელდება, სადაც მათ ყველა დაინტერესებული პოლიტიკური ძალის მოწვევის საშუალება ექნებათ.
გიგა ბოკერიასთან შეხვედრა პარლამენტის თავმჯდომარესთან შედგება და ას მხოლოდ საპარლამენტო უმცირესობა და უმრავლესობა დაესწრება.
