აშშ-ის პრეზიდენტმა დონალდ ტრამპმა ჟურნალისტის შეკითხვაზე, ხედავს თუ არა ირანის ყოფილი შაჰის ვაჟს, რეზა ფეჰლევის მომავალში ირანის მმართველად, უპასუხა, რომ ურჩევნია, ხელისუფლებაში მოვიდეს ის, ვინც ირანში პოპულარულია.
"ზოგიერთ ადამიანს რეზა ფეჰლევი მოსწონს და ჩვენ ამაზე დიდად არ გვიფიქრია. ვფიქრობ, რომ შიგნიდან ვინმე შესაძლოა, უფრო შესაფერისი იყოს. ის ძალიან კარგი პიროვნება ჩანს, თუმცა უფრო სავარაუდოა, რომ ვინმე, ვინც იქ არის, ვინც პოპულარულია, თუ ასეთი ადამიანი არსებობს, უკეთესი კანდიდატი იქნებოდა“, – განაცხადა ტრამპმა.
