2008 წლის 8 აგვისტოს მოვლენებმა ჩემი ცხოვრება რადიკალურად შეცვალა, - ამის შესახებ რუსეთის უშიშროების საბჭოს თავმჯდომარის მოადგილემ და რუსეთის ყოფილმა პრეზიდენტმა, დმიტრი მედვედევმა განაცხადა.
"2008 წლის 8 აგვისტოს მოვლენებმა ჩემი ცხოვრება რადიკალურად შეცვალა. ერთია, როდესაც პრეზიდენტად საკმაოდ ახალგაზრდა ასაკში აგირჩევენ და ჯერ კიდევ ეჩვევი ამ ამოცანის შესრულებას და ამ ტვირთის ტარებას. მეორე საკითხია, როდესაც იძულებული ხდები, რომ გადაწყვეტილებები სამხედრო მოქმედებების შესახებ მიიღო. შემიძლია ვთქვა, რომ ეს ძალიან რთულია. იმ წინაპირობითაც, რომ საქართველოს რეჟიმს აქეზებდნენ, მათ შორის ოკეანის გაღმიდან." - ამბობს მედვედევი.
მისი თქმით, 2008 წელს "იძულებული გახდა, გადაწყვეტილება მიეღო ქართული სამხედრო ფორმირებების წინააღმდეგ საპასუხო დარტყმის დაწყების შესახებ".
"სწორად მოვიქეცი, რადგან ჩვენ რომ არა ეს მოვლენები სრულიად სხვა მიმართულებით განვითარდებოდა. თუმცა, ჩვენ შევძელით სიტუაციის სწრაფად განმუხტვა და ახსნა, თუ როგორ არ შეიძლება რუსეთს მოიქცე, ასე რუსეთს არასდროს არ უნდა მოექცე." - აღნიშნა მან.
