დიდი ბრიტანეთის პრემიერ-მინისტრმა კირ სტარმერმა და ევროკომისიის პრეზიდენტმა ურსულა ფონ დერ ლაიენმა განიხილეს აშშ-ისსამშვიდობო წინადადებები და უკრაინისთვის ფინანსური დახმარების გასაწევად რუსეთის გაყინული სუვერენული აქტივების გამოყენების საკითხი. ამის შესახებ Reuters დიდი ბრიტანეთის მთავრობის ინფორმაციაზე დაყრდნობით იუწყება.
„ორივე ლიდერი შეთანხმდა, რომ ეს უკრაინის მომავლისთვის გადამწყვეტი მომენტია და ევროპა მას იმდენ ხანს დაუჭერს მხარს, რამდენიც საჭირო იქნება სამართლიანი და მდგრადი მშვიდობის მისაღწევად“, - განაცხადა ბრიტანეთის მთავრობის წარმომადგენელმა.
შეგახსენებთ, ევროკავშირმა 210 მილიარდი ევროს ოდენობის რუსული აქტივები განუსაზღვრელი ვადით გაყინა.
