ევროკავშირი ერთნაირსქესიანთა ქორწინების საკითხში ვარშავას არაფერს დააკისრებს - ამის შესახებ პოლონეთის პრემიერ-მინისტრმა დონალდ ტუსკმა განაცხადა
„ეს თემა აზრთა სხვადასხვაობას იწვევს საზოგადოებაში არამხოლოდ პოლონეთში. მინდა, დავამშვიდო ყველა. ჩვენ უზრუნველვყოფთ, რომ პოლონეთის პოზიცია ევროპაში ძლიერი დარჩეს. ეს ასევე ნიშნავს სასამართლოების პატივისცემას, მაგრამ ამავე დროს, სადაც საკითხები უნდა გადაწყდეს ეროვნული სახელმწიფოსა და ეროვნული კანონმდებლობის მიერ, ჩვენ დავიცავთ ამ პრინციპს. ჩვენ ვმუშაობთ საკანონმდებლო დებულებებზე, რომლებიც ამას ისე დაარეგულირებს, როგორც პოლონელების უმრავლესობა, საპარლამენტო უმრავლესობის მეშვეობით, მიზანშეწონილად მიიჩნევს“, – განაცხადა დონალდ ტუსკმა.
25 ნოემბერს ევროპის სასამართლომ დაადგინა, რომ წევრი სახელმწიფო ვალდებულია, აღიაროს ერთნაირსქესიანი წყვილის ქორწინება, თუ ის კანონიერად გაფორმდა ევროკავშირის სხვა ქვეყანაში. ეს ასევე ეხება იმ ქვეყნებს, სადაც ასეთი კავშირები არ არსებობს ეროვნული კანონმდებლობით.
