კვირას ჟენევაში გამართული მოლაპარაკებების შემდეგ, აშშ-ის სახელმწიფო მდივანმა მარკო რუბიომ განაცხადა, რომ ამერიკული მხარის „სამშვიდობო წინადადებებში“ გარკვეული ცვლილებები შევა. ამის შესახებ Sky News იუწყება.
რუბიომ განაცხადა, რომ ჟენევაში გამართული მოლაპარაკებები „ყველაზე პროდუქტიული და მნიშვნელოვანი იყო მას შემდეგ, რაც ჩვენ ამ (სამშვიდობო მოგვარების) პროცესში ვართ ჩართული“.
„ჩვენ გვაქვს ძალიან კარგი, სამუშაო ვერსია, რომელიც უკვე შეიქმნა ამ პროცესში ჩართული ყველა შესაბამისი მხარის წინადადებების საფუძველზე და ახლა უკვე შევძელით ამ საკითხებიდან ზოგიერთის დეტალურად განხილვა. და მე ვფიქრობ, რომ ჩვენ მნიშვნელოვან პროგრესს მივაღწიეთ“, - განაცხადა სახელმწიფო მდივანმა.
მან დასძინა, რომ დელეგაციების წარმომადგენლები ამჟამად მუშაობენ მათთვის მიწოდებულ ზოგიერთ წინადადებაზე.
„ამიტომ, ჩვენ ამაზე ვმუშაობთ, ვახორციელებთ გარკვეულ ცვლილებებს იმ იმედით, რომ კიდევ უფრო შევამცირებთ უთანხმოებებს და მივუახლოვდებით იმას, რაც მისაღები იქნება როგორც უკრაინისთვის, ასევე, ცხადია, შეერთებული შტატებისთვისაც,“ - განაცხადა რუბიომ.
შეგახსენებთ, უკრაინის პრეზიდენტის ადმინისტრაციის ხელმძღვანელმა ანდრიი ერმაკმა შეხვედრის შემდეგ განაცხადა, რომ პირველი შეხვედრა ძალიან პროდუქტიული იყო."ჩვენ ძალიან კარგ პროგრესს მივაღწიეთ და სამართლიანი და მდგრადი მშვიდობისკენ წინ მივიწევთ“, - განაცხადა ერმაკმა.
