უნგრეთის პრემიერ-მინისტრმა ვიქტორ ორბანმა პოლონეთის პრემიერ-მინისტრი დონალდ ტუსკი უნგრეთზე თავდასხმაში დაადანაშაულა. ტუსკი ამის შესახებ Х-ზე წერს.
ორბანმა განაცხადა, რომ ტუსკმა უნგრეთზე კიდევ ერთი თავდასხმა განახორციელა, რადგან მას „შინ სერიოზული პრობლემები აქვს“.
„მისმა პარტიამ საპრეზიდენტო არჩევნები წააგო, მისი მთავრობა არასტაბილურია და ის თავად აგებს არჩევნებს. მანფრედ ვებერთან ერთად, ის ევროპაში ომის ერთ-ერთი ყველაზე ხმამაღალი წამქეზებელი პოლიტიკოსი გახდა, თუმცა მისი სამხედრო პოლიტიკა წარუმატებელია: უკრაინას ევროპული დაფინანსება ეწურება, პოლონელი ხალხი კი ომით დაიღალა. მას არ შეუძლია კურსის შეცვლა, რადგან პოლონეთი ბრიუსელის ვასალად აქცია“, - წერს ორბანი.
მისი აზრით, პოლონეთის პრემიერ-მინისტრი „პანიკაშია, დევნის თავის პოლიტიკურ ოპონენტებს და აკრიტიკებს უნგრეთის სამშვიდობო პოზიციას, ცდილობს ყურადღება გადაიტანოს საკუთარი შიდა პრობლემებიდან. „ეს ძალიან სამწუხაროა“, - აღნიშნავს ორბანი.
„უნგრეთი სხვა გზას ირჩევს - მშვიდობის გზას. უნგრელი ხალხი უარს ამბობს ბრიუსელის ვასალი გახდეს. ბატონმა ტუსკმა ეს უნდა მიიღოს და თავისი საქმე გააგრძელოს“, - დასძინა მან.
