სასამართლომ თეონა ტალახაძეს 2-დღიანი პატიმრობა მიუსაჯა. გადაწყვეტილება თორნიკე ქოჩქიანმა გამოაცხადა.
სამოქალაქო აქტივისტს ერთი დღე იზოლატორში უკვე გატარებული აქვს, ამიტომაც, მას მხოლოდ ერთი დღის მოხდა მოუწევს.
ტალახაძე სავარაუდოდ ადმინისტრაციული პატიმრობიდან დღეს ღამით გათავისუფლდება.
თეონა ტახალაძის თქმით, გზის გადაკეტვაში მონაწილეობა არ მიუღია და არც სახე ჰქონდა ნიღბით დაფარული, თუმცა დაკავებების დროს ჭყლეტვაში მოყვა და ისინი დაიჭირეს.
თეონა ტალახაძეს შინაგან საქმეთა სამინისტრო 22 ოქტომბერს რუსთაველის გამზირის ხელოვნურად გადაკეტვას ედავებოდა.
