მოვითხოვ, დავისაჯო ისე, როგორც დაისაჯნენ ჩემი მეგობრები, - ასე მიმართა რეჟისორმა გიორგი თავართქილაძემ სასამართლოს და სხდომათა დარბაზში.
გიორგი თავართქილაძემ, რომელსაც რუსთაველის გამზირის გადაკეტვას ედავებიან, დღეს პროცესზე მყოფ შსს-ს წარმომადგენლებსაც მიმართა და ჰკითხა, რას ფიქრობს მოქალაქეებისთვის დარღვეულ უფლებებზე და გამკაცრებულ კანონზე, რომელიც "ოცნებამ" მომიტინგეების წინააღმდეგ მიიღო.
ეს თქვენი კანონი არ არის თავსებადი არც ევროკონვენციასთან, არც კონსტიტუციასთან. თქვენ წარმოადგენთ არალეგიტიმურ შსს-ს, მაინტერესებს, რა განცდა გაქვთ? გესაუბრებით, როგორც პიროვნებას. როდესაც მე დამირღვიეს საქართველოს კონსტიტუცია, შემომაზილეს კანონი, რომლითაც შემიზღუდეს უფლება, ვარსებობდე, როგორც მოქალაქე, რას ფიქრობთ ამაზე? მოვითხოვ, დავისაჯო ისე, როგორც დაისაჯნენ ჩემი მეგობრები, იმისთვის, რომ გააკეთეს ის, რაც მე გავაკეთე. იმავეს ვაპირებ დღესაც. მე ვაპირებ ავიყოლიო ხალხი, გავხდე ბევრი და დავასრულო ეს რეჟიმი, ჩემს ხალხთან ერთად", - "ტვ პირველის" ცნობით, განაცხადა თავართქილაძემ სასამართლოზე.
მოსამართლე ლელა ცაგარეიშვილმა რეჟისორი გიორგი თავართქილაძე სასამართლოს შეურაცხყოფისთვის 100 ლარით დააჯარიმა.
მიგვიანებით, მოსამართლე ლელა ცაგარეიშვილმა რეჟისორი გიორგი თავართქილაძე კიდევ დააჯარიმა, ამჯერად უკვე 200 ლარით
საქალაქო სასამართლოში თავართქილაძის პროცესი ამ წუთებში მიმდინარეობს. მას რუსთაველზე გზის გადაკეტვას ედავებიან.
ფოტო: "ტვ პირველი"
