დიდი ბრიტანეთის პრემიერ-მინისტრმა თეთრ სახლში გამართულ შეხვედრაზე განაცხადა, რომ შეკრებილ ლიდერებს დღეს საღამოს უკრაინის უსაფრთხოების გარანტიებთან დაკავშირებით შეუძლიათ „ძალიან მნიშვნელოვანი, ისტორიული ნაბიჯის გადადგმა“.
„როდესაც უსაფრთხოებაზე ვსაუბრობთ, ვსაუბრობთ არა მხოლოდ უკრაინის, არამედ ევროპისა და გაერთიანებული სამეფოს უსაფრთხოებაზეც.
მე ნამდვილად ვფიქრობ, სწორი მიდგომით დღეს შუადღისას შეგვიძლია რეალური პროგრესის მიღწევა, განსაკუთრებით უსაფრთხოების გარანტიებთან დაკავშირებით“, - თქვა სტარმერმა.
მისი თქმით, ტრამპის წინადადება ნატო-ს მეხუთე მუხლის სტილის გარანტიების შესახებ, შეესაბამება იმას, რაზეც "მსურველთა კოალიცია“ თვეების განმავლობაში მუშაობდა.
„თქვენს მიერ უკვე შემუშავებულთან ერთად, ვფიქრობ, დღეს შეგვიძლია ნამდვილად მნიშვნელოვანი ნაბიჯის გადადგმა წინ, სინამდვილეში, ისტორიული ნაბიჯი შეიძლება გამოვიდეს ამ შეხვედრიდან უკრაინისა და ევროპის უსაფრთხოების თვალსაზრისით“, - თქვასტარმერმა.
