გურჯაანი-თბილისის ცენტრალურ ავტომაგისტრალზე ავტოსაგზაო შემთხვევა მსხვერპლით დასრულდა.
სიღნაღიდან საგარეჯოში ჯვრისწერიდან მომავალი ავტომანქანების კოლონიდან "ბე-ემ-ვეს" მარკის ავტომანქანის მძღოლმა საჭის დამორჩილება ვერ შეძლო, გზის საპირისპირო მხარეს გადავიდა და ხეს შეეჯახა.
შეჯახების შედეგად მანქანა შუაზე გაიხლიჩა და აფეთქდა. ავტომანქანაში 4 ადამიანი იჯდა. ერთი მათგანი 20 წლის ლევან ბასილაშვილი ადგილზე გარდაიცვალა, დანარჩენი სამი კი გურჯაანისა და საგარეჯოს საავადმყოფოებში გადაიყვანეს. მათი მდგომარეობა მძიმეა.
