აშშ-ის პრეზიდენტმა დონალდ ტრამპმა 19 მაისს რუსეთის ლიდერ ვლადიმერ პუტინთან სატელეფონო საუბრის შემდეგ განაცხადა, რომ უკრაინა და რუსეთი დაუყოვნებლივ დაიწყებენ ცეცხლის შეწყვეტის შესახებ მოლაპარაკებებს. ამის შესახებ ტრამპი Truth Social-ში წერს.
ტრამპმა განაცხადა, რომ ორშაბათს პუტინთან მისი საუბარი „ძალიან კარგად“ წარიმართა და რომ მისი ტონი „შესანიშნავი“ იყო.
„რუსეთი და უკრაინა დაუყოვნებლივ დაიწყებენ მოლაპარაკებებს ცეცხლის შეწყვეტის შესახებ და, რაც მთავარია, ომის დასრულების შესახებ.
„ამის პირობები ორ მხარეს შორის განიხილება, როგორც ეს უნდა იყოს, რადგან მხოლოდ მათ იციან მოლაპარაკებების დეტალები, რომელთა შესახებ სხვამ არ შეიძლება იცოდეს“, - განაცხადა მან.
ამერიკის პრეზიდენტმა ასევე აღნიშნა, რომ რუსეთს შეერთებულ შტატებთან ვაჭრობა სურს და ის ეთანხმება“, რადგან ამას „აქვს არაჩვეულებრივი შესაძლებლობა, შექმნას უზარმაზარი სამუშაო ადგილები და სიმდიდრე“ და „მისი პოტენციალი შეუზღუდავია“.
ტრამპმა ასევე განაცხადა, რომ საუბრის შესახებ მიაწოდა ინფორმაცია უკრაინის პრეზიდენტს, ვოლოდიმირ ზელენსკის, ევროკომისიის პრეზიდენტს, ურსულა ფონ დერ ლაიენს, საფრანგეთის პრეზიდენტს, ემანუელ მაკრონს, იტალიის პრემიერ-მინისტრს, ჯორჯია მელონის, გერმანიის კანცლერს, ფრიდრიხ მერცს და ფინეთის პრეზიდენტს, ალექსანდრ სტუბს.
„რუსეთსა და უკრაინას შორის მოლაპარაკებები დაუყოვნებლივ დაიწყება... ვატიკანმა, რომელსაც პაპი წარმოადგენს, განაცხადა, რომ ძალიან დაინტერესებული იქნება მოლაპარაკებების წარმართვით. დაე, პროცესი დაიწყოს!“ - თქვა ტრამპმა.
