დიდი ბრიტანეთის საგარეო საქმეთა მინისტრმა დევიდ ლამიმ დაგმო რუსეთის თავდასხმა სუმის ოლქის ქალაქ ბელოპოლიეს მახლობლად, სამოქალაქო მიკროავტობუსზე, რომლის შედეგადაც ცხრა ადამიანი დაიღუპა.

ლამი X-ზე წერს, რომ აღშფოთებულია რუსეთის ფედერაციის მიერ სუმის რეგიონში განხორციელებული ამ თავდასხმით და აღნიშნავს, რომ ეს მოხდა სტამბოლში რუსეთისა და უკრაინის დელეგაციებს შორის მოლაპარაკებების შემდეგ.

„თუ პუტინი სერიოზულად არის განწყობილი მშვიდობის მიმართ, რუსეთი უნდა დათანხმდეს სრულ და უპირობო ცეცხლის შეწყვეტას - როგორც ეს უკრაინამ გააკეთა“, - აღნიშნა მან.

შეგახსენებთ, სუმის ოლქში მიკროავტობუსზე რუსეთის დარტყმის შედეგად 9 ადამიანი დაიღუპა და ოთხი დაშავდა. უკრაინული მედიის ცნობით, მიკროავტობუსი საევაკუაციო რეისს ასრულებდა.

პრეზიდენტმა ვოლოდიმირ ზელენსკიმ მოგვიანებით განაცხადა, რომ მიკროავტობუსში მთელი ოჯახი დაიღუპა.

მან აღნიშნა, რომ შეუძლებელია რუსებს იყო არ სცოდბოდათ, რომ თავს სამოქალაქო სატრანსპორტო საშუალებას ესხმოდნენ.