ჩრდილოეთ კორეის ლიდერმა, კიმ ჩენ ინმა განაცხადა, რომ ჩრდილოეთ კორეის მონაწილეობა უკრაინაში რუსეთ- ომში გამართლებულია და აღნიშნა, რომ ეს იყო სუვერენული უფლებების აღსრულება „მოძმე ხალხის“ დასაცავად.
ამის შესახებ Reuters ჩრდილეოთ კორეის სახელმწიფო მედიაზე დაყრდნობით ავრცელებს.
„ჩვენი მონაწილეობა კონფლიქტში სამართლიანი იყო და ეს ჩვენი რესპუბლიკის სუვერენული უფლებების ფარგლებში ჯდება. კურსკის ოპერაციაში მონაწილე ყველა მამაცი ჯარისკაცი გმირად და ერის ღირსების უმაღლეს წარმომადგენლად მიმაჩნია“, - აღნიშნა მან.
კიმის თქმით, ჩრდილოეთ კორეა უყოყმანოდ დაამტკიცებს სამხედრო ძალის გამოყენებას, თუ შეერთებული შტატები გააგრძელებს რუსეთის წინააღმდეგ სამხედრო პროვოკაციებს.
მანამდე ჩრდილოეთ კორეა ოფიციალურად არ ადასტურებდა, რომ რუსეთში 10 000-ზე მეტი ჯარისკაცი და იარაღი გაგზავნა. ქვეყნებს შორის სამხედრო კავშირები მკვეთრად გაიზარდა კიმ ჩენ ინისა და ვლადიმირ პუტინის მიერ გასულ წელს ხელმოწერილი „ყოვლისმომცველი სტრატეგიული პარტნიორობის“ შეთანხმების ფარგლებში.
