რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა ყირიმის ხიდთან მომხდარ აფეთქებებს ეხმიანება და ცხადებს, რომ მას პასუხი მოჰყვება.
მისივე თქმით, ყირმის ხიდზე შეტევის მცდელობების გარდა, ღამით ნახევრაკუნძულს 20 უპილოტო საფრენი აპარატი თავს დაესხა.
„მტკიცედ ვგმობთ ამ ტერორისტულ თავდასხმებს. ყირიმის ხიდი სამოქალაქო ინფრასტრუქტურის ობიეტქია და მასზე თავდასხმა დაუშვებელია. ის ასეთივე თავდასხმის ქვეშ მოექცა გასული წლის შემოდგომაზე. რამაც ადამიანთა შორის მსხვერპლი გამოიწვია. უკრაინის შეიარაღებული ძალები, დასავლეთის მასშტაბური დახმარების მიუხედავად, ვერ ახერხებენ შეცვალონ საომარი შეტაკაბების ხაზზე ვითარება, ცდილობენ უღირსი ტერორისტული მეთოდებით თავა დაესხნენ სამოქალაქო ობიექტებს და მშვიდობიან მოსახლეობას“, - განაცხადა ზახაროვამ.
მისი თქმით, მსგავსი „დივერსიები“ საერთაშორისო საზოგადოებას „არწმუნებს“ კიევის „რეჟიმის“ ჭეშმარიტ არსში.
„მსგავს ბარბაროსულ აქვციებს არ აქვს გამართლება და მათ პასუხის გარეშე არ დავტოვებთ“, - განაცხადა ზახაროვამ.
12 აგვისტოს რუსულმა მხარემ გაავრცელა ინფორმაცია, რომ უკრაინის შეარაღებულმა ძალებმა ყირიმის ხიდზე თავდასხმა სცადეს. ხიდზე მოძრაობა შეწყდა, შემდეგ კი კვლავ აღდგა.
