საკრებულოს წევრი თინა ხიდაშელი სამარშრუტო ტაქსებისთვის გამოცხადებული კონკურსის გამჭვირვალედ ჩატარებას მოითხოვს.
ხიდაშელის განცხადებით, ქალაქის მერიამ საკრებულოს წევრებს კონკურსის პირობები არ გააცნო და ისინი კონკურსის შესახებ სათანადოდ ინფორმირებულნი არ არიან.
ხიდაშელი შიშობს, რომ, შესაძლოა, ტრანსპორტის სფეროს მონოპოლიზაცია მოხდეს, რადგან საკონკურსო პირობების შესრულებისთვის დასახელებული თანხა ძალიან მაღალია, რაც კონკურსში მცირე მეწარმეების მონაწილეობას გამორიცხავს.
საკრებულოს ოპოზიციონერი წევრი მოითხოვს, რომ რამდენიმე დღის წინ შექმნილმა სპეციალურმა კომისიამ საზოგადოებას დედაქალაქში დაგეგმილი სატრანსპორტო სქემებისა და ტარიფის შესახებ სრული ინფორმაცია მიაწოდოს.
