ფილიპინების მთავრობამ გააუქმა კონტრაქტი 16 ერთეული რუსული სამხედრო- სატრანსპორტო ვერტმფრენის Ми-17-ის შესყიდვის შესახებ. იტყობინება სააგენტო Associated Press-ი ოფიციალურ პირებზე დაყრდნობით.
გავრცელებული ცნობით, კონტრაქტი გაუქმდა, რადგან შესაძლოა, აშშ-ს ფილიპინებისთვის სანქციები დაეწესებინა.
ფილიპინების თავდაცვის ყოფილი მინისტრის, დელფინ ლორენზანას განცხადებით, რუსეთთან კონტრაქტი გააუქმა 30 ივნისამდე, მისი უფლებამოსილების ვადის ამოწურვამდე. მისივე თქმით, კონტრაქტის გაუქმებაზე თანხმობა ფილიპინების პრეზიდენტ როდრიგო დუტერტესგან მიიღო.
"შესაძლოა, ჩვენთვის სანქციები დაეწესებინათ", - ციტირებს ლორენზანას სიტყვებს სააგენტო AP.
ლორენზანის თქმით, აშშ-ს შეუძლია ფილიპინებს შესთავაზოს მსგავსი სამხედრო სატრანსპორტო ვერტმფრენები.
227 მილიონი დოლარის კონტრაქტი რუსეთსა და ფილიპინებს შორის გასული წლის ნოემბერში გაფორმდა.
