საფრანგეთის 88 დეპარტამენტში გვალვის გამო წყლის გამოყენება შეიზღუდა - ამ ადგილებში საგანგებო მდგომარეობა გამოცხადდა.
წყლის მოხმარების შეზღუდვა გულისხმობს, რომ ადამიანებს არ მიეცემათ ბაღებისა და გაზონების მორწყვის უფლება.
მოსახლეობას მოუწოდებენ შეძლებისდაგვარად დაზოგონ წყალი, კერძოდ, არ შეავსონ საცურაო აუზები.
საფრანგეთის თითქმის მთელ ტერიტორიაზე გვალვაა. ჰაერის მაღლმა ტემპერატურამ და უნალექობამ განსაკუთრებით დააზარალა ლუარისა და პუატუ-შარანტის რეგიონები.
გვალვის მიზეზია რამდენიმე კვირის განმავლობაში რეკორდულად მშრალი და ცხელი ამინდები, რამაც ხელისუფლებას წყლის მარაგების შევსების საშუალება არ მისცა.
უახლოეს დღეებში ამინდის გაუმჯობესება არ არის მოსალოდნელი, რადგან მეტეოროლოგები წვიმას არ პროგნოზირებენ.
საფრანგეთში სულ 101 დეპარტამენტია, აქედან 96 კონტინენტურ ნაწილზე.
