პარლამენტის წევრის დავით სერგეენკოს განცხადებით, საპარლამენტო დელეგაცია უკრაინაში სავარაუდოდ კვირის ბოლოს გაემგზავრება.
მისი თქმით, დელეგაციის შემადგენლობა საბოლოოდ დაზუსტებული არ არის, თუმცა თავად იქნება ერთ-ერთი მათგანი ვინც უკრაინაში ჩავა, "არც შეიძლება, რომ მე არ ვიყო დელეგაციაში, ბოლოს და ბოლოს სერგეენკო ვარ".
"საქართველოს საპარლამენტო დელეგაციას არც არასოდეს უთქვამს უარი და პირიქით, ჩვენი ვალდებულებაც არის, რომ ჩავიდეთ უკრაინაში. დღეს იყო კიდევ ერთი სამუშაო შეხვედრა, სადაც ეს საკითხი განვიხილეთ. ახლა მიდის კომუნიკაცია უკრაინულ მხარესთან და დიდი ალბათობით, დელეგაცია გაემგზავრება ამ კვირის ბოლოს, პარასკევს ან შაბათს. ექვს საათზე იქნება საბოლოო შეხვედრა“, - აღნიშნა სერგეენკომ.