თურქეთის პრეზიდენტმა რეჯეფ თაიფ ერდოღანმა სოციალურ ქსელში გაკეთებულ გზავნილში განაცხადა, რომ მისი ახალი ტიპის კორონავირუსის (კოვიდ-19) ტესტის შედეგები უარყოფითია.
პრეზიდენტი თავის პოსტში აღნიშნავს: „მადლობა ღმერთს, ბოლო ორი დღის განმავლობაში ჩატარებული ტესტები უარყოფითია. მინდა მადლობა გადავუხადო ჩემს ძმებს და დებს, რომლებიც მხარს გვიჭერდნენ ლოცვებითა და ლამაზი გზავნილებით მთელი ქვეყნიდან და მსოფლიოდან. დაე, ღმერთმა აქციოს ჩვენი ერთობა, სოლიდარობა და ძმობა მუდმივად. ჩემს მეუღლეს, ქალბატონ ემინეს მსუბუქი სიმპტომები აქვს. იმედი მაქვს, რომ მისი ტესტიც მალე უარყოფითი იქნება."
მან მადლობა გადაუხადა სამედიცინო ჯგუფს, რომელიც ყურადღებით ადევნებდა თვალყურს დაავადების მიმდინარეობას, მიესალმა ჯანდაცვის სფეროს ყველა წარმომადგენელს და დაავადებულებს სწრაფი გამოჯანმრთელება უსურვა.
