შეერთებული შტატების სენატორთა ორპარტიული ჯგუფი პრეზიდენტ ჯო ბაიდენს წერილით მიმართავს, რათა უკრაინას ამერიკის სადაზვერვო სამსახურების [რუსეთთან დაკავშირებულ] ინფორმაციაზე მაქსიმალური წვდომა მიეცეს.
სენატორების წერილი სენატის დაზვერვის კომიტეტის თავმჯდომარის მარკ უორენის ვებგვერდზე გამოქვეყნდა.
სენატორების განცხადებით, არსებობს გადაუდებელი საჭიროება, რათა უკრაინელ პარტნიორებს წვდომა ჰქონდეთ ინსტრუმენტთან, რომელიც მათ რუსული აგრესიისგან დაცვაში დაეხმარება.
"რუსეთის მუქარა უკრაინისადმი საფრთხეს უქმნის დემოკრატიას მთელ მსოფლიოში და მოგიწოდებთ, რაც შეიძლება მეტი გააკეთოთ უკრაინის მხარდასაჭერად ესოდენი კრიტიკულ ვითარებაში", - ნათქვამია წერილში.
"რუსეთი არის აგრესორი და ჩვენ უკრაინა უნდა შევაიარაღოთ თავდაცვისთვის კრიტიკულად მნიშვნელოვანი ინფორმაციით", - დასძენენ სენატორები წერილში.
სენატორები აღნიშნავენ, რომ ეს ნაბიჯი არის როგორც აშშ-ის, ისე მოკავშირეებისა და პარტნიორების ეროვნული უსაფრთხოების ინტერესებში.
