უწყებათაშორისი საკოორდინაციო საბჭოსთან არსებული საოპერაციო შტაბის უფროსის, გიორგი ღიბრაძის განცხადებით, ქვეყანაში ახალი შეზღუდვების დაწესება არ იგეგმება.
"ამ მომენტისთვის, დამატებითი შეზღუდვები არ წესდება. გადაწყდა, რომ, 50 წელს ზემოთ, აცრების წახალისების პროგრამა კვლავ ერთი თვით გაგრძელდება. ამასთან, 50 წელზე უფროსი მოქალაქეები, ბუსტერ-დოზის გაკეთების შემთხვევაში, 100 ლარს მიიღებენ", - აღნიშნა ღიბრაძემ.
ბოლო 24 საათის განმავლობაში ქვეყანაში კორონავირუსის 15 762 ახალი შემთხვევა დადასტურდა, რაც ყველაზე მაღალი მაჩვენებელია პანდემიის დაწყების დღიდან.
დაავადებათა კონტროლის ეროვნული ცენტირს ხელმძღვანელის, ამირან გამყრელიძის განცხადები, შემთხვევების დაახლოებით 90% "ომიკრონს" უკავშირდება
მისივე თქმით, მომავალი 2 კვირის განმავლობაში ქვეყანაში "ომიკრონის" ცირკულაცია გაიზრდება და შემთხვევათა რაოდენობა კიდევ უფრო მეტი იქნება.
ჯანდაცვის მინისტრის მოადგილე თამარ გაბუნია აცხადებს, რომ პანიკის საფუძველი არ არსებობს, სისტემა არის მზად.
"შემთხვევების დრამატული მატების მიუხედავად, კლინიკურ სექტორში არ გვაქვს მატება. მთავარი მიზეზი, რის გამოც რეგულაციების გამკაცრებასა და ახალ შეზღუდვებს იწვევს ჯანდაცვის სექტორი, ეს არის დამატებითი და გაუსაძლისი ზეწოლა ჯანდაცვის სექტორზე, რასაც დღეს არ ვაკვირდებით", - დასძინა გაბუნიამ.