ევროკომისიის ხელმძღვანელმა, ურსულა ფონ დერ ლაიენმა განაცხადა, რომ ევროპამ უთუოდ უნდა მიიღოს მონაწილეობა მოლაპარაკებებში, რომელიც რუსეთსა და უკრაინას შორის დაძაბულობის მოსაგვარებისკენ იქნება მიმართული.
ურსულა ფონ დერ ლაიენმა აღნიშნულთან დაკავშირებით, მომავალ კვირას ჟენევაში შეერთებულ შტატებსა და რუსეთს შორის უსაფრთხოების შესახებ გადამწყვეტი მოლაპარაკებების წინ ჟურნალისტებთან საუბრისას, პარიზში გამართულ პრესკონფერენციაზე განაცხადა.
"ერთი რამ ცხადია, ევროპის მონაწილეობის გარეშე შეუძლებელია [რუსეთ-უკრაინის] საკითხის მოგვარება. როგორიც უნდა იყოს გადაწყვეტილება, ევროპა უნდა იყოს ჩართული მის მიღებაში", - თქვა პრეზიდენტმა.
ურსულა ფონ დერ ლაიენის განცხადებით, ევროკავშირი მნიშვნელოვნად არის უკრაინაში წარმოდგენილი და ახსენა ბლოკის მიერ კიევისთვის გაწეული მილიარდობით დოლარის დახმარება.
ევროკომისიის პრეზიდენტთან ერთად, პრესკონფერენციაში მონაწილეობდა საფრანგეთის პრეზიდენტი ემანუელ მაკრონიც, რომელმაც პოზიტიური უწოდა რუსეთსა და აშშ-ის შორის დაგეგმილ მოლაპარაკებებს, თუმცა ხაზგასმით აღნიშნა, რომ ევროპის უსაფრთხოების არქიტექტურა "ჩვენი ასაშენებელია".
ემანუელ მაკრონი გამოვიდა მოწოდებით, რომ ევროკავშირმა თავადაც უნდა აწარმოოს დიალოგი რუსეთთან იმის აღიარებით, რომ დიალოგი არ ნიშნავს დათმობაზე წასვლას.
