სექსუალური ძალადობის ბრალდების გამო, მსახიობი კრის ნოტი And Just Like That-ის ფინალური ეპიზოდიდან ამოჭრეს. იუწყება Hollywood Reporter-ი.

HBO Max-ის ტელეშოუ And Just Like That სახელგანთქმული სერიალის Sex and the City-ს გაგრძელებაა, სადაც მსახიობი კრის ნოტი მისტერ ბიგის როლს თამაშობს.

ფინალური ეპიზოდის გაშვება HBO Max-ის სტრიმინგ პლატფორმაზე 3 თებერვალს არის დაგეგმილი.

Hollywood Reporter-ის ცნობით, ფინალური ეპიზოდი შეიცავდა სცენას კრის ნოტის მონაწილეობით, რომლის პერსონაჟიც სერიალის დასაწყისში გარდაიცვალა.

გამოცემის ცნობით, სერიალის შემქმნელებმა ჩათვალეს, რომ ამ სცენას განსაკუთრებული მნიშვნელობა არ ჰქონდა და მისი ამოჭრა ტელენოველის მთლიანობას არ დაარღვევს.

მანამდე, სექსუალური ძალადობის ბრალდების ფონზე, მსახიობი CBS-ის სატელევიზიო პროექტ The Equalizer-იდან მოხსნეს.

გასულ წლის ბოლოს, გავრცელდა ინფორმაცია, რომ ორმა ქალმა მსახიობი კრის ნოტი სექსუალურ ძალადობაში დაადანაშაულა, რასაც თავად მსახიობმა ტყუილი უწოდა. მოგვიანებით ბრალდებებს კიდევ ერთი ქალი შეუერთდა.