7 იანვრიდან ინგლისში საერთაშორისო სამგზავრო მიმოსვლის წესები შემსუბუქდება. იუწყება საქართველოს საელჩო ბრიტანეთში.
7 იანვრის 04:00 საათიდან (ლონდონის დროით) სრულად ვაქცინირებული და 18 წლამდე ასაკის პირების შემთხვევაში, უქმდება ინგლისში გამომგზავრებამდე 48 საათით ადრე სავალდებულო PCR ტესტის გაკეთება.
ასევე, უქმდება ინგლისში ჩამოსვლის შემდეგ (არაუგვიანეს მე-2 დღის ბოლომდე), ტესტის გაკეთებიდან უარყოფითი პასუხის მიღებამდე სავალდებულო თვითიზოლაცია.
9 იანვრის 04:00 საათიდან (ლონდონის დროით) ინგლისში ჩამოსვლის შემდეგ, არაუგვიანეს მე-2 დღის ბოლომდე, სრულად ვაქცინირებულ და 18 წლამდე ასაკის პირებს შეეძლებათ PCR ტესტის ნაცვლად, სწრაფი ტესტის (Lateral Flow test) გაკეთება.
