შეერთებული შტატების აღმოსავლეთ სანაპიროზე დიდთოვლობაა.
ეროვნული მეტეოროლოგიური სამსახურის ინფორმაციით, ვაშინგტონის ოლქში 23 სანტიმეტრამდე ნალექი მოვიდა. უამინდობის გამო საზოგადოებრივი ტრანსპორტისა და რამდენიმე ფედერალური უწყების მუშაობის პარალიზება გამოიწვია.
პორტალ FlightAware-ის ცნობით, 4 იანვარს, უამინდობის გამო, 4 900-ზე მეტი ფრენა გაუქმდა, ხოლო გადაიდო დაახლოებით 6 775 ავიარეისი.
Usa Today-ის ცნობით, აშშ-ში 850 ათასზე მეტი ოჯახი ელექტროენერგიის გარეშე დარჩა. უამინდობას სულ მცირე ხუთი ადამიანის სიცოცხლე ემსხვერპლა
პრობლემები შეექმნა საპრეზიდენტო ბორტსაც, რომელშიც დელავერის შტატიდან ვაშინგტონში მიმავალი პრეზიდენტი ბაიდენი იმყოფებოდა. როგორც იუწყებიან, დიდთოვლობის გამო, თვითმფრინავმა დაშვება ნახევარი საათის განმავლობაში ვერ შეძლო. ამის შემდეგ, მან უარი თქვა აეროპორტიდან თეთრი სახლისკენ ვერტმფრენით გამგზავრებაზე და რეზიდენციაში ავტომობილით გაემართა.
უამინდობამ პრობლემები შექმნა ასევე ვირჯინიის, მერილენდის, ნიუ ჯერსის და ჩრდილოეთ კაროლინის შტატებში.
