სამხრეთ აფრიკის რესპუბლიკის დედაქალაქ კეიპტაუნში, პარლამენტის შენობაში ძლიერი ხანძარი გაჩნდა.
ადგილზე ათობით მეხანძრე მუშაობს, რომლებიც ხანძარს ებრძვიან. ჯერჯერობით უცნობია რამ გამოიწვია ხანძარი.
გავრცელებულ ვიდეოკადრებში ჩანს, შენობის ცენტრალური ნაწილიდან ამომავალი ცეცხლის ალი და კვამლის უზარმაზარი ღრუბელი.
ადგილობრივი ხელისუფლების ინფორმაციით, ხანძარი თავდაპირველად პარლამენტის ზედა პალატის ნაწილში გაჩნდა, მოგვიანებით ის გავრცელდა ეროვნული ასამბლეის ნაწილშიც.
იუწყებიან, რომ ხანძრის ლოკალიზება ჯერჯერობით ვერ ხერხდება.
კეიპტაუნში მდებარე პარლამენტის კომპლექსი შედგება სამი ნაწილისგან, რომელთაგან უძველესი 1884 წლით თარიღდება. 1920-იან და 1980-იან წლებში აშენებულ ახალ სექციებში განთავსებულია ეროვნული ასამბლეა.
გასულ წელს ხანძარმა გაანადგურა კეიპტაუნის უნივერსიტეტის ბიბლიოთეკის ნაწილი, სადაც დაცული იყო აფრიკული არქივების უნიკალური კოლექცია.
