სახელგანთქმული ამერიკელი მსახიობი, "ემის" ჯილდოს ექვსგზის მფლობელი, კომიკოსი ბეტი უაითი გარდაიცვალა.
მსახიობი 31 დეკემბერს 99 წლის ასაკში გარდაიცვალა, მსახიობსა და ტელეწამყვანს ასი წლის იუბილე 17 იანვარს უნდა აღენიშნა.
ბეტი უაითმა სახელი სატელევიზიო შოუებში მონაწილეობით გაითქვა. განსაუკუთრებული პოპულარობა სიტკომ "მერი ტაილერ მურის შოუ"-სა და "ოქროს გოგონებში" შესრულებული როლებით მოიპოვა.
"მუდმივად მეკითხებიან, როგორ ვინარჩუნებ ენერგიას, როგორ ვარ მუდმივარ ფორმაში, იმასაც კი მეკითხებიან ამდენ ხანს როგორ ვცოცხლობ. პასუხი მარტივია - სექსი, არაყი, მარიხუანა და გემრიელი ჰოთ დოგი, ეს არის ჩემი საიდუმლო. კარგად ჭამა მიყვარს და არასდროს, არასდროს ვამბობ უარს საუზმეზე, სადილსა და ვახშამზე. ხო კიდევ, დიეტური კოკა-კოლა აუცილებლად არის ჩემი დღის რაციონში", - ამბობდა მსახიობი Harper's Bazaar-ისთვის 2018 წელს მიცემულ ინტერვიუში.
