გერმანიის ვიცე-კანცლერმა, ეკონომიკისა და კლიმატის დაცვის მინისტრმა რობერტ ჰაბეკმა მხარი დაუჭირა ფედერალური მთავრობის გადაწყვეტილებას არ ჩაერიონ საკამათო გაზსადენ "ჩრდილოეთ ნაკადი 2"-ის დამტკიცების საკითხში და ის განიხილონ მხოლოდ სამართლებრივი თვალსაზრისით. თუმცა ჰაბეკმა არ გამორიცხა პროექტის გაჩერება უკრაინის ირგვლივ განვითრებული მოვლენების ფონზე.
"ჩვენ სამართლებრივი სახელმწიფო ვართ და ნებართვა კანონის შესაბამისად გაიცემა", - განაცხადა ჰაბეკმა ტელერახ ZDF-ის ეთერში.
"პოლიტიკა პოლიტიკურ საკითხებზე უნდა იყოს ორიენტირებული და მისი ანალიზი საგარეო პოლიტიკისა და გეპოლიტიკის მიხედვით უნდა გაკეთდეს. ეს იმას ნიშნავს, რომ ვაკვირდებით რა აღმოსავლეთ უკრაინაში სიტუაციას და იქ რუსული ჯარების მობილიზებას, გვიწევს მივიღოთ პოლიტიკური გადაწყვეტილებები, თუ რა სანქციები შეიძლება დაწესდეს ახალი მწვავე კონფლიქტის გამწვავების შემთხვევაში", - განაცხადა მან.
ჰაბეკის თქმით, გაზსადენის მშენებლობამ, შესაძლოა დასავლეთის ყურადღება მოადუნოს უკრაინის მიმართ, რომელიც გაზის ტრანზიტს ახორცილებს. "ამას წინ უნდა აღვუდგეთ, მხარი დავუჭიროთ კიევის გადასვლას ენერგიის განახლებად წყაროებზე გადასვლას", - განაცხადა მან და აღნიშნა, რომ მისი სამინისტრო ამ მიზნებისთვის 150 მილიონ ევროს გამოყოფს.
მანამდე, რობერტ ჰაბეკმა "ჩრდილოეთის ნაკადი 2"-ის მშენებლობას "გეოპოლიტიკური შეცდომა" უწოდა.
შეგახსენებთ, მილსადენის სერტიფიცირების პროცესი გერმანიის ენერგეტიკის ფედერალურმა მარეგულირებელმა ორგანომ შეაჩერა.
გერმანიის ხელისუფლების განცხადებით, რუსული "ჩრდილოეთის ნაკადი 2"-ის გაზსადენის სერტიფიცირების შესახებ გადაწყვეტილების მიღება 2022 წლის მეორე ნახევრამდე არ იგეგმება.
