ომიკრონის“ შტამის სწრაფი გავრცელების გამო, გასულ უქმეებზე, მსოფლიოს მასშტაბით, თითქმის 7000 ავიარეისი გაუქმდა, რამაც საახალწლოდ შვებულებებში მყოფ მოქალაქეებს გადაადგილების პრობლემები შეუქმნათ.
ამ ეტაპზე სრულად გაუქმებულია 2000 ავიარეისი, ხოლო, დამატებით, 4000 ფრენა გაურკვეველი ვადით გადაიდო. მხოლოდ შაბათს 2400 ფრენა გაუქმდა, აქედან 990 ავიარეისი აშშ-დან უნდა განხორციელებულიყო სხვადასხვა მიმართულებით.
ამასთან, ჩინეთის ავიახაზებმა, გასულ პარასკევს, 1000-ზე მეტი ფრენა გააუქმეს, რაც ფრენების საერთო რაოდენობის 20 პროცენტია. „ლუფთჰანზას“, „დელტას“ და „იუნაითედ ეარლაინსის“ წარმომადგენლების განცხადებით, ფრენების გადადება კადრების მკვეთრმა სიმცირემ გამოიწვია, რადგან მათი უმეტესობა კოვიდინფიცირებულია.
