ჯანმრთელობის მსოფლიო ორგანიზაციის განცხადებით, კორონავირუსის პანდემია მომავალ წელს უნდა დასრულდეს.
"2022 წელი უნდა იყო პანდემიის დასრულების წელი", - განაცხადა ორგანიზაციის გენერალურმა დირექტორმა, ტედროს ადანომ ღებრეიესუსმა ბრიფინგზე, რომელზეც ამ წელს ბოლოჯერ ისაუბრეს კორონავირუსზე.
ღებრეიესუსის განცხადებით, მას ღრმად სწამს, რომ პანდემია მომავალ წელს დასრულდება, გამომდინარე იქიდან, რომ ორი წელია ამ ვითარებაში ვართ, "ჩვენ კარგად ვიცნობთ ვირუსს და გვაქვს ყველა ინსტრუმენტი მასთან საბრძოლველად".
მისივე თქმით, ჯანმრთელობის მსოფლიო ორგანიზაციის პროგნოზების თანახმად, ვაქცინების მარაგი საკმარისი უნდა იყოს გლობალურ დონეზე, ზრდასრული მოსახლეობის სრულად ასაცრელად და 2022 წლის პირველ კვარტალში, რისკჯგუფებში მყოფი ადამიანების ბუსტერ დოზით აცრისთვის.
ღებრეიესუს თქმით, გამოწვევად რჩება ვირუსთან ბრძოლის ყველა ინსტრუმენტის ეფექტურად დანერგვა და ვაქცინების სამართლიანად განაწილება.
"თუ მთელი მსოფლიო არ აიცრება, არ ვფიქრობ, რომ ამ პანდემიას დავასრულებთ", - დასძინა ჯანმოს ხელმძღვანელმა.
