გერმანული გამოცემა Dier Welt-ის ინფორმაციით, რომელიც ალიანსში მომუშავე დიპლომატიურ წყაროს ეყრდნობა, უკრაინის საზღვრებთან რუსეთის სამხედრო ძალების გადაადგილების გამო, ნატომ სწრაფი რეაგირების ძალებში საბრძოლო მზადყოფნა გააძლიერა.
ნატოს სწრაფი რეაგირების ძალები (NATO Response Force, NRF) 40 00 სამხედროსგან შედგება.
გავრცელებული ცნობით, ნატოს ძალიან მაღალი მზადყოფნის გაერთიანებული ოპერატიული ჯგუფი (VJTF) კრიზისულ ზონაში განლაგებისთვის, 7 დღის ნაცვლად, 5 დღის განმავლობაში უნდა იყოს მზად.
NRF-ის სხვა ქვედანაყოფები, მათ შორის სპეციალური დანიშნულების რაზმები და სამხედრო ლოგისტიკა, უკვე იმყოფებიან საბრძოლო მზადყოფნაში.
Die Welt-ის ცნობით, შესაბამისი გადაწყვეტილება ჩრდილოატლანტიკურმა საბჭომ გასულ კვირას მიიღო.
ნატო-ს წევრი ქვეყნების ლიდერებმა NRF-ის ქვედანაყოფის VJTF-ის შექმნა 2014 წლის უელსის სამიტზე, რუსეთის მიერ ყირიმის ანექსიის შემდეგ შეცვლილი უსაფრთხოების გარემოს საპასუხოდ, გადაწყვიტეს.
VJTF-ში დაახლოებით 6400 სამხედრო მოსამსახურე ირიცხება შეერთებული შტატებიდან, დიდი ბრიტანეთიდან, პოლონეთიდან, ესპანეთიდან, იტალიიდან და ჩრდილო ატლანტიკური ალიანსის სხვა წევრი ქვეყნებიდან.
VJTF-ს ნატოს წევრები როტაციის საფუძველზე მართავენ. ამჟამად ჯგუფს თურქეთი ხელმძღვანელობს, 2023 წელს კი სარდლობა გერმანიას გადაეცემა.
