ევროკავშირის მარეგულირებელმა, ევროპის მედიკამენტების სააგენტომ (EMA) დაამტკიცა ამერიკული ფარმაცევტული კომპანია Novavax-ის მიერ წარმოებული კორონავირუსის საწინააღმდეგო ვაქცინა Nuvaxovid.
"საფუძვლიანი შეფასების შემდეგ, EMA-ს შესაბამისი კომიტეტი მივიდა ზოგად შეთანხმებამდე, რომ ვაქცინის მონაცემები სანდოა და აკმაყოფილებს ევროკავშირის კრიტერიუმებს ეფექტურობის, უსაფრთხოებისა და ხარისხის შესახებ", - ნათქვამია განცხადებაში.
ეს არის მეხუთე ვაქცინა, რომლის გამოყენების ნებართვას ევროპის მედიკამენტების სააგენტომ გასცა. Novavax-ის ვაქცინის გამოყენება ნებადართული იქნება 18 წელზე უფროსი ასაკის ადამიანებისთვის. ჩატარებული ორი კვლევის მიხედვით, ვაქცინა დაახლოებით 90%-ით ეფექტურია.
Nuvaxovid ჯერ კიდევ დამტკიცების ეტაპზეა ჯანმრთელობის მსოფლიო ორგანიზაციაში.
ამერიკული ბიოტექნოლოგიური კომპანია Novavax უკვე ათ წელზე მეტია ავითარებს ინფექციური დაავადებების საწინააღმდეგო ვაქცინებს. გარდა კორონავირუსის ვაქცინისა, იგი ებოლას, სეზონური გრიპის და სხვა ვირუსული დაავადებების სამკურნალო პრეპარატების შექმნით იყო დაკავებული.
