პირდაპირ რომ გაგცეთ პასუხი, ამას არ ვემხრობი, აცხადებს პარლამენტის ვიცე-სპიკერი დავით სერგეენკო კოვიდ ინფექცია გადატანილ ადამიანებისათვის უვადო "მწვანე სტატუსის" მინიჭებაზე.
მისი თქმით, ღრმა მსჯელობაში შესვლა არ სურს.
"ამას აქვს თავისი დასაბუთება, რომელსაც ნებისმიერი ექიმი და ეპიდემიოლოგი გააკეთებს. არ მინდა, ღრმა მსჯელობაში შევიდე, მაგრამ გეტყვით, რომ არ ვემხრობი. ვირუსს ახასიათებს თვისება, როცა რამდენიმე თვეში ერთხელ ბუნებას იცვლის და შეიძლება გადამდები გახდეს. ვაქცინაცია გადადების რისკს ანახევრებს და 30-ჯერ ამცირებს მძიმე მიმდინარეობის რისკს. აქამდე ახალი შტამების აღმოჩენა იფარებოდა არსებული ვირუსებით, თუმცა ახალი მიმდინარეობის ვირუსს, არ ვიცით, იმედია, დაფარავს. მოცემულობაა, რომ გადატანილი კოვიდინფექცია არ არის მაღალი ალბათობის გარანტია, რომ ისევ არ დაგემართება კოვიდი. ამიტომ, უვადო “მწვანე სტატუსის“ მიცემა ეწინააღმდეგება სპეციალისტების მოსაზრებას, რომლებიც ამბობენ, რომ 5-6 თვის განმავლობაში გრძელდება ეს (იმუნიტეტი). არ ვიცი, რა ერთობლიობა იყო არგუმენტების, რის გამოც იყო ეს გადაწყვეტილება მიღებული", - განაცხადა სერგეენკომ.