ველური ბუნების ეროვნული სააგენტოს ინფორმაციით, კრწანისის ტყეპარკის N1, N2 ტბებსა და ადგილობრივი თევზსაშენის ორ დამატებით ტბორში მოხდა 20 000 ლიფსიტის გაშვება. მათ შორის გაშვებული იყო 15000 თეთრი ამური (ლელქაშების შესამცირებლად) და 5000 თეთრულა (მტაცებელი თევზების საკვებ ბაზად).
ერთი წლის შემდეგ, უკვე გაზრდილი ლიფსიტების გადაყვანა მოხდება N4 (ე.წ. გრძელ ტბაში) და N5 (ე.წ. კოშკის ტბაში) ტბებში ლელქაშებისა და სხვა წყალმცენარეების შესამცირებლად.
