გერმანიის კანცლერის ანგელა მერკელის თქმით, ბერლინი მხარს დაუჭერს მოსკოვისთვის სანქციების დაწესებას, თუკი რუსეთის ხელისუფლება გაზსადენ "ჩრდილოეთის ნაკადი 2"-ს იარაღად გამოიყენებს. ამის შესახებ მერკელმა 22 აგვისტოს, კიევში, უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა.
"ენერგორესურსები არ უნდა იქნას გამოყენებული როგორც გეოპოლიტიკური იარაღი", - თქვა მან უკრაინის სახელმწიფოს მეთაურთან შეხვედრის შემდეგ.
ამასთან, ანგელა მერკელის განცხადებით, ბერლინს სურს, რომ უკრაინასთან გაზის ტრანზიტის ხელშეკრულება, რომელსაც ვადა 2024 წელს ეწურება, მოსკოვმა კვლავ გაახანგრძლივოს.
კანცლერმა განაცხადა, რომ გერმანია მზადაა, ნატოს ფარგლებში, კიევთან თანამშრომლობა გააღრმავოს, თუმცა კონკრეტული დეტალები არ უხსენებია.
ანგელა მერკელმა ასევე აღნიშნა, რომ უკრაინის აღმოსავლეთით შეიარაღებული კონფლიქტის მოგვარების მცდელობები უნდა გაგრძლდეს და ამისთვის "ნორმანდიული ფორმატის" ფარგლებში ახალი სამიტი უნდა ჩატარდეს.
უკრაინის პრეზიდენტმა მადლობა გადაუხადა ანგელა მერკელს მხარდაჭერისთვის.
