გაერთიანებული სამეფოს მედიკამენტებისა და ჯანდაცვის პროდუქტების მარეგულირებელმა სააგენტომ (MHRA) დაამტკიცა პირველი მონოკლონური ანტისხეულების პრეპარატი კორონავირუსული ინფექციის პროფილაქტიკისა და მკურნალობისთვის.
საუბარია, Regeneron-ისა და Roche-ს მიერ შემუშავებულ ანტისხეულების კოქტეილ "რონაპრევზე" (Ronapreve).
ამერიკული ბიოტექნოლოგიური კომპანიის Regeneron-ისა და შვეიცარიული Roche-ს მიერ შემუშავებული პრეპარატი, სახელწოდებით Ronapreve, შეიძლება გამოყენებულ იქნას ინტრამუსკულარულად ან ინტრავენურად. იგი ეკრვის სასუნთქი სისტემის ლორწოვან გარსს და ხელს უშლის კორონავირუსს სასუნთქი სისტემის უჯრედებზე წვდომის მიღებაში.
კლინიკურმა კვლევებმა აჩვენა, რომ პრეპარატი ხელს უწყობს მწვავე ინფექციის სიმპტომების აღმოფხვრას და, შესაძლოა, შეამციროს ჰოსპიტალიზაციის ალბათობა კორონავირუსით ინფიცირების გამო.
"მარეგულირებლის მიერ ამ პრეპარატის დამტკიცება ნიშნავს, რომ პირველად დიდმა ბრიტანეთმა დაამტკიცა სამკურნალო პრეპარატი, რომელიც სპეციალურად შექმნილია COVID-19– ის სამკურნალოდ", - თქვა ბრიტანეთი ჯანდაცვის მდივანმა, საჯიდ ჯავიდმა.
ვარაუდობენ, რომ ვინაიდან პრეპარატი ძალიან ძვირია, თავდაპირველად, მას მძიმე პაციენტებში გამოიყენებენ.
