ისრაელის ხელისუფლების გადაწყვეტილებით, 40-დან 50-წლამდე ასაკის ადამიანებისთვის შესაძლებელი გახდა კორონავირუსის საწინააღმდეგო ვაქცინის მესამე დოზით აცრა.
მანამდე, აგვისტოს დასაწყისში ისრაელმა 50-დან 60 წლამდე მოსახლეობის მესამე დოზით ვაქცინაცია დაიწყო.
ისრაელის პრემიერ-მინისტრმა, 49 წლის ნაფტალი ბენეტმა დღეს უკვე მიიღო ვაქცინის მესამე დოზა.
"თუ ჩვენ ამას გავაკეთებთ და ვაქცინების მესამე დოზას მივიღებთ, შევძლებთ თავიდან ავირიდოთ კიდევ ერთი ლოკდაუნი", - განაცხადა ბენეტმა ვაქცინაციამდე.
ისრაელში, რომლის მოსახლეობის რაოდენობა დაახლოებით 9.3 მილიონია, ვაქცინის ორი დოზა 5.4 მილიონზე მეტმა ადამიანმა მიიღო, ხოლო სამი დოზა 1.3 მილიონმა მოქალაქემ.
ვაქცინის მესამე დოზის გაკეთების შესაძლებლობა ასევე დაუშვეს გერმანიამ და შეერთებულმა შტატებმა.
