ვაშინგტონში, პიკაპის მძღოლი, რომელიც კონგრესის ბიბლიოთეკის მახლობლად აფეთქების მოწყობით იმუქრებოდა, პოლიციას ჩაბარდა. იტყობინება ტელეკომპანია NBC.
პოლიცია მასთან რამდენიმე საათის განმავლობაში აწარმოებდა მოლაპარაკებებს.
დაკავებული 49 წლის ფლოიდ რეი როზბერია, რომელიც ჩრდილოთ კაროლინის შტატის მკვიდრია.
კაპიტოლიუმის პოლიცია მანამდე იტყობინებოდა, რომ ვაშინგტონის დროით, დილის 09:15 საათზე ბიბლიოთეკის შენობასთან შენიშნეს პიკაპი, რომელსაც სანომრე ნიშნები არ ჰქონდა. ავტომანქანის მძღოლი აცხადებდა, რომ თან ჰქონდა ბომბი დეტონატორით, რომლის აფეთქებასაც გეგმავდა.
მანქანის ირგვლივ არსებული ტერიტორიიდან პოლიციამ მოსახლეობის ევაკუაცია მოახდინა. ადგილზე სნაიპერები გაგზავეს. რამდენიმე საათის შემდეგ, რეი როზბერი პოლიციას ჩაბარდა.
სააგენტო Reuters-ი წყაროზე დაყრდნობით იუწყება, რომ დაკავებულს ფსიქიკური ჯანმრთელობის პრობლემები აქვს. ზოგიერთი ამერიკული მედიასაშუალების ცნობით, ავტომანქანაში ბომბის არსებობა არ დადასტურდა.
