თბილისში, ბოკერიას სახელობის ჰოსპიტალში კორონავირუსით გარდაცვლილი 7 თვის ორსულს, 31 წლის თეონა აბაშიძეს რამდენიმე დღის წინ მამაც კოვიდით დაეღუპა. ინფორმაცია თავდაპირველად "ბათუმელებმა" გაავრცელა.
თეონა აბაშიძის მამა ჯემალ აბაშიძე 58 წლის იყო და მასწავლებლად მუშაობდა. მამა-შვილი აბაშიძეები ლაგოდეხში, სოფელ ჰერეთისკარში ცხოვრობდნენ.
"სამწუხაროდ, ქალბატონი თეონა არ იყო აცრილი და ამან თავისი საქმე გააკეთა, ცუდი როლი ითამაშა. თავდაპირველად, შემოსვლისას, შეფასდა როგორც სტაბილური მიმდინარეობა, მაგრამ დელტა შტამი აგრესიულობით გამოირჩევა ფეხმძიმეებში.
რაღაც დროის განმავლობაში შეინიშნა, რომ მას გაუჭირდა სუნთქვა და გახდა ჟანგბადდამოკიდებული. 12 აგვისტოს რეალურად დაგვიდგა საჭიროება, რომ გოგონას დავხმარებოდით ხელოვნური ვენტილატორით. რამდენიმე დღე მოხდა დასტაბილურება, მაგრამ სამწუხაროდ, 13 აგვისტოს გადავიდა რეანიმაციაში და ვერანაირად ვერ მოხერხდა მისი სტაბილურობის გამყარება", - თქვა კლინიკურმა დირექტორმა ალექსი ვაჩაძემ.
თეონა აბაშიძეს ჰერეთისკარში ხვალ დაკრძალავენ.
თეონა აბაშიძე კორონავირუსით გუშინ გარდაიცვალა.
