სარფის წმინდა იოანე ღვთისმეტყველის სახელობის დედათა მონასტერში კარანტინი გამოცხადდა. ინფორმაციას ბათუმისა და ლაზეთის ეპარქია ავრცელებს.
"კოვიდსიტუაციიდან გამომდინარე სარფის წმინდა იოანე ღვთისმეტყველის სახელობის დედათა მონასტერში გამოცხადდა კარანტინი. შესვლა აკრძალულია. გთხოვთ მოიხსენოთ ლოცვებში მონაზონი სოსანა", - ნათქამია განცხადებაში.
შეგახსენებთ, 17 აგვისტოს სარფის დედათა მონასტრის მონაზონი სოსანა ვასაძე კორონავირუსით გარდაიცვალა.
მონაზონი კოვიდის დიაგნოზით ბათუმის რესპუბლიკურ საავადმყოფოში იყო მოთავსებული, თუმცა მისი მდგომარეობის სიმძიმის გამო, სასულიერო პირი სამედიცინო დაწესებულებაში მოთავსებიდან მალევე გარდაიცვალა.
