ავსტრალიის ქალაქ სიდნეის ერთ-ერთი სუპერმარკეტში სანელებლების თაროზე 3-მეტრიანი პითონი აღმოაჩინეს.
გველს მოულოდნელად სუპერმარკეტის ერთ-ერთი მომხმარებელი გადააწყდა, რომელსაც როგორც აღმოჩნდა, ველურ ბუნებაში მუშაობის დიდი გამოცდილება ჰქონდა და ქვეწარმავლის დანახვამ არ დააბნია.
25 წლის ჰელაინა ალატიმ, მას შემდეგ, რაც გველს ვიდეო გადაუღო და მაღაზიის ადმინისტრაციას შეატყობინა, სახლიდან სპეციალური ჩანთა მოიტანა, სადაც გველი მოათავსა, მოგვიანებით კი ველურ ბუნებაში გაუშვა.
