შეერთებული შტატების პრეზიდენტმა ჯო ბაინდემა თეთრ სახლში ერისადმი მიმართვის დროს განაცხადა, რომ არ ნანობს ავღანეთიდან ჯარების გაყვანის გადაწყვეტილებას.
"მე მტკიცედ ვდგავარ ჩემს გადაწყვეტილებაზე", - თქვა ამერიკის პრეზიდენტმა.
"მე ძალიან დამწუხარებული ვარ იმ ფაქტებით, რასაც ახლა ავღანეთში ვაწყდებით, მაგრამ არ ვნანობ ჩემს გადაწყვეტილებას ავღანეთში ამერიკის სამხედრო მისიის დასრულების შესახებ", - დასძინა ბაიდენმა.
ამავე დროს, მან აღნიშნა, რომ "ავღანეთის დაცემა" მოხდა იმაზე სწრაფად, ვიდრე მოსალოდნელი იყო. ბაიდენმა დასძინა, რომ ავღანეთში აშშ-ის სამხედროების ყოფნა ამ ქვეყნის პრობლემებს ვერ გადაჭრის.
