საქართველოს ჯანდაცვის მინისტრის ეკატერინე ტიკარაძის განცხადებით, საველე ჰოსპიტალი, რომელიც დიღმის ოლიმპიურ სოფელში, 500-მდე პაციენტის მომსახურებას შეძლებს.
როგორც ჯანდაცვის მინისტრი ამბობს, საწოლების უმეტესი ნაწილი ჟანგბადით აღჭურვილი იქნება. ადგილზე უკვე დამონტაჟებულია ორი ხუთტონიანი ცისტერნა, რომლებიც აღნიშნულ საწოლებს ჟანგბადით მოამარაგებს.
ამასთან, ეკატერინე აღნიშნავს, რომ ჯანდაცვის სამინისტრო ყველაფერს იღონებს, რათა თავიდან აირიდოს საველე ჰოსპიტლის საჭიროება.
"ჯანდაცვის სამინისტრო გააკეთებს ყველაფერს, რათა საველე ჰოსპიტალი გამოყენებულ იქნას მხოლოდ უკიდურეს შემთხვევაში. ჩვენ მაქსიმალურად ვეცდებით, პაციენტებისა და ექიმების ინტერესებიდან გამომდინარე, იმ ექიმების, რომლებიც უკვე ძალიან დიდი ხანია ჩართულები არიან ამ პროცესში და მათი გადატვირთულობის ზღვარი არის მაღალი, სწორედ მათი კომფორტისა და უსაფრთხოებისთვის კოვიდის მართვა დარჩეს ჰოსპიტალურ სექტორში და არ გახდეს საჭირო საველე ჰოსპიტალის გამოყენება. უბრალოდ, ჩვენ განვახორციელეთ ყველაზე უკიდურესი გეგმა, რომლისთვისაც საქართველო დღეს უკვე მზად არის“, – აღნიშნა ეკატერინე ტიკარაძემ.
