დიდი ბრიტანეთის სამეფო-საზღვაო ფლოტის ფლაგმან, ავიამზიდ HMS Queen Elizabeth-ზე ("დედფოფალი ელისაბედი") კორონავირუსის აფეთქება მოხდა. დაფიქსირდა ინფიცირების 100 შემთხვევა.
დიდი ბრიტანეთის თავდაცვის მდივანი ბენ უოლესი ამბობს, რომ კოვიდაფეთქება კონტროლქვეშაა, ვინაიდან ეკიპაჟის წევრები კომპეტენტური ვაქცინით ორჯერადად არიან აცრილები. ამასთან, სავალდებულოა პირბადეების ტარება, დისტანციის დაცვა, მიმდინარეობს მოვლენების მონიტორინგი.
თავდაცვის მდივნის განცხადებით, ბრიტანეთის ავიამზიდი გააგრძელებს თავისი ოპერატიული ამოცანების შესრულებას და კორონავირუსთან დაკავშირებული ვითარება მის გეგმებს ვერ შეცვლის.
ამ მომენტისთვის, ავიამზიდი ინდოეთის ოკეანის წყლებში იმყოფება და მოგვიანებით კურსს იაპონიისკენ გააგრძელებს.
ეს კოვიდ-19-ის აფეთქების პირველი შემთხვევა არ არის ბრიტანულ ხომლადზე. 2020 წელს, საშობაოდ, ხომალდ HMS Northumberland-ის ეკიპაჟი იძულებული გახდა ნაპირზე დაბრუნებულიყო და კორონავირუსის ინფიცირების შემთხვევების გამო კარანტინში დარჩენილიყო.
