საფრანგეთის პრეზიდენტ ემანუელ მაკრონის განცხადებით, ქვეყნაში მედიკოსებისა და არასამედიცინო პერსონალისთვის კორონავირუსის საწინააღმდეგო ვაქცინაცია სავალდებულო გახდება.
„მედიკოსებისათვის, ასევე არასამედიცინო პერსონალისთვის, რომლებიც საავამყოფოებში, კლინიკებში, მოხუცებულთა სახლებში მუშაობენ, სავალდებულო გახდება ვაქცინაცია“, - განაცხადა პრეზიდენტმა. მანვე აღნიშნა, რომ სავალდებულო ვაქცინაცია ასევე გავრცელება მოხალისეებზე და მათზე, ვინც სახლებში ავადმყოფებს უვლის.
მაკრონის თქმით, მოქალაქეების ამ კატეგორიამ ვაქცინაცია 15 სექტემბრამდე უნდა ჩაიტაროს. „უნდა დავიწყოთ დღესვე. 15 სექტემბრიდან დაიწყება შემოწმება და დაწესდება სანქციები“, - თქვა მაკრონმა.
მისივე თქმით, აგვისტოდან კაფეებში, რესტორნებში, სავაჭრო ცენრტებში, საავადმყოფოებში, მოხუცებულთა სახლებში, ასევე თვითმფრინავებში, მატარებლებსა და ავტობუსებში მოქალქეებმა უნდა წარადგინონ საშვები - კორონავირუსის ვაქცინაციის დამადასტურებელი საბუთი ან ტესტის ნეგატიური პასუხი.
გარდა ამისა, 21 ივლისიდან სპეციალური საშვების წარდგენა სავალდებულო იქნება კონცერტებზე, სპექტაკლებსა და ფესტივალებზე დასწრების მსურველთთავის. საშვი უნდა წარადგინოს 12 წლის ზევით ყველა მოქალაქემ.
