ლეონარდო და ვინჩის მიერ შესრულებული დათვის ესკიზი შესაძლოა რეკორდულ ფასად გაიყიდოს.
დათვის ესკიზს დღეს გასაყიდად ლონდონში Christie’s აუქციონზე გაიტანენ. ვარაუდობენ, რომ ესკიზი დაახლოებით 17 მილიონ დოლარად გაიყიდება.
კრისტის აუქციონის ცნობით, დავინჩის დათვის ჩანახატი ერთ-ერთია იმ რვიდან, რომელიც კერძო პირკების საკუთრებაა.
და ვინჩის ეს ესკიზი ძალიან მცირე ზომისაა (7x7 სმ). იგი და ვინჩის უნიკალური ტექნიკით არის შესრულებული - ვერცხლის ნემსის გამოყენებით ღია ვარდისფერ-კრემისფერ ქაღალდზე.
ესკიზის შექმნა დაახლოებით თარიღდება 1480-იანი წლების დასაწყისში.
ყველაზე დიდი ფასი, რაც და ვინჩის ესკიზში გადაუხდიათ, არის 8 მილიონი ფუნტი სტერლინგი (დაახლოებით 11.5 მლნ დოლარი), როდესაც 2001 წელს აუქციონზე ესკიზი „ცხენი და მხედარი“ გაიყიდა.
