საქართველოში ევროკავშირის წარმომადგენლობის წინ, გურამ ფალავანდიშვილის მეთაურობით საპროტესტო აქცია გამართეს ლგბტ პრაიდის მოწინააღმდეგეებმა.
აქციაზე ფალავანდიშვილმა მიმართვა წაიკითხა, რომლითაც მან ევროკავშირის ელჩს ქვეყნის სასწრაფოდ დატოვებისკენ მოუწოდა.
"ბატონო ჰარცელ, როგორ ბედავთ, უცხო ქვეყანაში, ჩვენს ქრისტიანუი სახელმწიფოში იქადაგოთ და გაავრცელოთ, დედამიწაზე უდიდესი გარყვნილება, ბინძური ჰომოსექსუალიზმი, როგორ ბედავთ, ჩვენს დედაქალაქში ჩვენი შვილების გასარყვენლად და მთელი საზოგადოების, ქალაქის, ქვეყნის წასაბილწად დაორგანიზებულ ე.წ. მარშს მხარი დაუჭიროთ.
მოგიწოდებთ, სასწრაფოდ და სამუდამოდ დატოვოთ ჩვენი ქვეყანა", - განაცხადა ფალავანდიშვილმა.
ევროკავშირის წარმომადგენლობის ოფისიდან, აქციის მონაწილეებმა აშშ-ის საელჩოსთან გადაინაცვლეს.
1-ლი ივლისიდან 5 ივლისის ჩათვლით, თბილისში პრაიდის კვირეულის ჩატარება იგეგმება.
