ბათუმის რესპუბლიკური საავადმყოფოდან კოვიდინფიცირებულები სხვადასხვა კლინიკაში გადაიყვანეს, აღნიშნულის შესახებ ინფორმაციას აჭარის საზოგადოებრივი მაუწყებელი ავრცელებს. სამედიცინო დაწესებულების წარმომადგენლების განმარტებით, მიზეზი შენობაში მიმდინარე ტექნიკურ-საინჟინრო სამუშაოებია.
კლინიკაში კონდინცირება გამართულად ვერ ხდებოდა, რის გამოც შენობა დაცალეს. პაციენტების ნაწილი ''მედცენტრში'' გადაიყვანეს, ნაწილი კი სხვა კოვიდმიმღებ კლინიკებში მოათავსეს.
ბათუმის რესპუბლიკურ საავადმყოფოში აცხადებენ, რომ ამ ეტაპზე საავადმყოფოში ნაკლები პაციენტი ყავდათ, ამიტომ სამუშაოების ჩასატარებლად ეს დრო აირჩიეს.
ბათუმის ახალი რესპუბლიკური საავადმყოფო 2020 წლის 16 აპრილს გაიხსნა, როგორც ცხელების ცენტრი. მოგვიანებით კი კოვიდკლინიკა მოეწყო.
