ანტისამთავრობო საპროტესტო აქციის მონაწილეებმა კოლუბიის ქალაქ ბარანკილიაში ჩამოაგდეს ქრისტეფორე კოლუმბის ქანდაკება.
ევროპელი მეზღვაური-მკვლევარის ქანდაკება, რომლის სახელსაც ატარებს კოლუმბია, განრისხებულმა მოქალაქეებმა კვარცხლბეკიდან თოკებით ჩამოაგდეს და ათრიეს.
სოციალური რეფორმების ჩატარების მოთხოვნით, ორი თვეა კოლუმბიაში მასშტაბური საპროტესტო აქციები არ წყდება. საპროტესტო აქციებში აქტიურად არის ჩართული ქვეყნის მკვიდრი მოსახლეობა.
მკვიდრი მოსახლეობა კოლუმბს კოლონიალიზმისა და ჩაგვრის სიმბოლოდ მიიჩნევს.
ქალაქ ბარანკილიას მერმა პირობა დადო, რომ დაისჯებიან პირები, რომლებიც ამ ვანდალური აქტის უკან დგანან.
ცოტა ხნით ადრე, საპროტესტო მოძრაობის სამიზნე გახდა კოლუმბიის დედაქალაქ ბოგოტაში აღმართული, ესპანეთის დედოფალ იზაბელა კასტილიელის ქანდაკება, რომელიც იყო ქრისტეფორე კოლუმბის ზღვაოსნობის დამფინანსებელი და სულისჩამდგმელი. მომიტინგეებმა მისი ქანდაკება წითელი საღებავით შეღებეს.
